Ginpahayag sang Junior Chamber International (JCI) – Bacolod nga ang 2022 Mr and Ms Teen Masskara ang katumanan sang panawagan sang mga pamatan-on nga programa para sa teens.
Suno kay JCI-Bacolod Executive Vice President Brian Adams Jimera, luyag nila nga magtukod sang youth program nga mangin flagship program sang JCI Bacolod.
Pahayag sini nga ang JCI Bacolod ang ginabug-usan sang mga young professionals nga naga-edad 18 tubtob 45 anyos.
Matapos ang brain storming sang Hunyo, ginsuggest sang officer nagikan sa JCI Sagay ang pageant para sa mga teens ilabi na nga ang 15 tubtob 19 anyos ang makita nga tuman ang kahuyog sa mga festivals.
May napulo naman nga nagpakigbahin nga babayi kag 10 man nga lalaki.
Ginpahayag man ni Jimera nga wala natapos sa pageant ang ila nga programa bangud matapos ang Mr and Ms Teen Masskara, sila ang may patigayunon man nga monthly-basis immersion.
Diri pagahatagan sang training sa leadership kag personal growth bangod sila ang mangin masunod nga representante sa Bacolod Masskara.
Ang mga partisipante ang natalana man nga magrepresent sa mga National kag Regional competition.
Apang paathag ni Jimera nga may ticket sa paglantaw sang Mr and Ms Teen Masskara bangod ang matipon nga fund ang magakadto sa immersion kag community development.
Yara sa P100, P200, P300 kag P500 ang bili sang mga tickets kag ini ang mabakal pinaagi sa JCI Bacolod chapter nga page, Mr and Ms Masskara nga page kag mismo sa Coronation may patigayunon man sang ticket selling.
Ang coronation ang patigayunon sa Oktobre 15 alas-6:00 sang gab-i sa Bacolod City College event center.
Samtang, suno naman kayu JCI-Bacolod 2022 local organization president Cherry Mae Toleco, nga ang flagship program nga Mr and Ms Teen Masskara ang pinakamaayo nga platform agud nga makita ang kaanyag sang mga pamatan-on, kasubong man mapalapnag ang ila tagsa ka adbolasiya.
Nagapati si Toleco nga pinaagi sini, mapromote sa mga teens ang sportsmanship kag madevelop pa sang mga partisipante ang holistic development sa ila nga tagsa ka kaugalingon kag makabalik sang yuhom sang mga pamatan-on.
