Gin-athag sang Bureau of Internal Revenue (BIR) nga ang pag-impose sang value-added tax (VAT) sa digital services nga ginaprovide sang mga foreign entities ang indi isa ka bag-o nga tax, apang ini ang nagatuyo nga may patas sa local traditional enterprises kag digital service firms.
Sang Miyerkules, ginpermahan ni President Ferdinand Marcos Jr. nga mangin isa ka layi ang Republic Act No. 12023 kun sa diin igapatuman ang 12 percent VAT sa non-resident digital service providers.
Sa bag-o nga layi, ginalauman nga makakolekta ang gobyerno sang P102.12 billion sa 2025 tubtob sa 2029.
Kahapon, nagpagwa sang statement si BIR Commissioner Romeo Lumagui Jr. sa pagsuporta sini sa layi kun sa diin ginapromote ang patas nga pagbayad sa tax sang local kag foreign companies basta sila ang naganegosyo sa Pilipinas.
