Mas ginapadasig sang gobyerno sang Pilipinas ang ila mga efforts agud maroll out ang fuel subsidies agud maprotektahan ang mga public utility drivers, mga mangunguma kag mga manugpangisda nagikan sa impact sang nagasaka nga presyo sang gatong sa tunga sang tensyon sa Middle East.
Suno kay Department of Energy (DOE) Officer-in-Charge Sharon Garin, nagacoordinate sa karun ang gobyerno sa relevant nga mga ahensya agud i-finalize ang distribusyon sang subsidy programs.
Ini matapos nakigkita si President Ferdinand Marcos Jr. sa iya economic team agud i-assess ang potential effect sang konflikto sang Iran kag Israel sa local fuel supply kag mga presyo sini.
Suno kay Garin, kabug-usan nga P2.5 billion ang ginpreparar para sa PUV drivers kag operators samtang P600 million naman ang gin-alokar para sa mga mangunguma kag manugpangisda.
Apang gin-athag sini nga wala pa mahibalon kun pila ang mangin balor sang subsidy kag kun san-o ini igapanagtag.
