Lauman nga magasaka tubtob sa P1 ang presyo sang produktong petrolyo sa katapusan sang Nobyembre bangod sa nagapadayon nga tensyon sa Ukraine kag Russia.
Suno sa Department of Energy santo sa lima ka adlaw nga oil trading, lauman nga magasaka sa presyo nga P1.00 tubtob P1.20 ang kada litro sang Diesel, P1.10 tubtob sa P1.30 ang kada litro sang Gasolina kag P0.70 tubtob sa P0.90 sa kada litro naman sang Kerosene.
Ang pagsaka sang oil price ang bangod sa padayon nga giyera sa Ukraine nga nagatuga sang pagpamahog sa merkado.
Suno kay Department of Energy – Oil Industry Management Bureau Director Rodela Romero, nangin rason man sa pagsaka sang presyo amo ang outage sa oilfield sa Norway kag ang pagnubo sang balor sang piso batok sa dolyar.
Ang adjustment ang igapatuman sa Martes, Nobyembre 26, 2024.
Nakaligad nga Martes, nagpatuman sang kapin sa P1 nga rollback bangod sa manubo nga demand sa produktong petrolyo.
