Apisar nga nakapagwa na sang executive order ang gobernador sang probinsya sang Negros Occidental para sa optional nga paggamit sang facemask sa outdoor open spaces, padayon ini nga nagaengganyo sa mga senior citizens, persons with commorbidities kag wala nabakunahan nga magsuksok sa gihapon sang facemask outdoors.
Sa interview sang Bombo Radyo Bacolod kay Governor Eugenio Jose “Bong” Lacson, ang optional nga pagsuksok sang facemasks ang outdoors lamang apang dapat magdala sagihapon sang facemasks ilabi na kun magsulod sa mga closed doors buildings.
Suno kay Lacson, hugot sagihapon nga ginapatuman ang pagsuksok sang facemasks sa mga malls kag iban nga mga buildings.
Suno sa gobernador, nagakadapat sagihapon nga maghalong bangud nagapabilin pa ang Covid-19 virus sa palibot kag may yara sang mga napatay bangud sa balatian.
Nagapanawagan man si Lacson sa kooperasyon agud nga mapadayon nga hilway ang mga pumuluyo sa balatian.
