Nagapati si Bacolod City Lone District Congressman Alfredo Benitez nga indi gid man dako ang mabulig sang pagsuspender sang fuel excie tax.
Suno kay Benitez, wala man ini sa gihapon sang dako nga impact bangod ang matabo lang sini nga may mabuhin lang nga kapin P10 sa kada litros sang diesel kag P6 sa kada litro sang gasolina.
Suno diri, P200 billion ang madula bangod sa suspension nga mahimo pa tani magamit sang gobyerno ipanagtag bilang financial assistance.
Suhestyon sini nga mahatagan sang assistance amo ang agricultural sector, transport sector kag logistics.
Samtang, nagpangabay man ini sang mas madasig nga paghatag sang ayuda amo nga nagtawag ini sa Department of Social Welfare and Development (DSWD) nga naghambal nga wala sang problema sang kwarta apang ginaproblemahan lamang amo ang distribution process.
