Aminado ang grupo nga Amlig Kuryente nga commendable ukon maayo ang tikang ni Bacolod City Mayor Alfredo Benitez nga pagtipon sang reklamo sang mga konsumidor batok sa Central Negros Electric Cooperative.
Nagikan sa kabug-usan nga reklamo, 69.3 percent ang angot sa mataas nga cost sang electricity.
96.3 percent man sang 383 respondents ang nagpahayag nga mabudlay magcontact sa hotline sang CENECO.
Nagdangat naman sa 67 porsyento sang mga respondents ang nagpahayag nga mahapos magbayad sang CENECO bill samtang 33 percent naman ang naghambal nga mabudlay magbayad.
Ang nagapanguna nga mga reklamo amo ang unscheduled brownouts kag naguba nga mga power appliances bangud sa power interruptions.
Sa interview sang Bombo Radyo kay former Bacolod City Councilor Wilson Gamboa, convenor sang Amlig Kuryente, ginatinguhaan sang city government nga malab-ot ang mga konsumidor agud nga mahibaluan ang ila reklamo batok sa CENECO.
Apang kinahanglan suno sa iya ang immediate action bangud nakahibalo na ang mga pumuluyo sa nasambit nga mga problema bisan wala sang citizen kuryente watch.
Suno sa anay konsehal, duplication lang ang ginahimo sang Office of the City Mayor bangud ginapasa man gihapon sa natungdan ang reklamo sang mga konsumidor.
