BACOLOD CITY — Halin sang una tubtub sa pagbalay sang istorya para sa Light at the End of the Tunnel ang nagpangibabaw sa pamilya Entierro sa Barangay Buenavista, Himamaylan City, Negros Occidental kag gindeklarar nga kampeon sa promo sang Kahapon Lamang Program sang Bombo Radyo Bacolod.
Suno kay Dodong ukon Ramy Entierro sa matuod nga kabuhi, madugay na ginapabugal sang iya iloy nga si Nanay Sayong nga kun may kompetisyon lang sa istorya sa kabuhi, magadaog gid sila.
Bangud sini, nagbuligay sila nga mag-utod sa pagbalay sang sulat nga mangin entry nila sa Light at the End of the Tunnel agud maisa-isa ang ila inagyan tubtub nga ini ang nahuman sa bulig sang madamo nga mga kamot.
Sang gindeklarar ini nga kampeon kag nagbaton sang 10, 000 pesos, ginpahayag sini nga nangin matuod ang forecast sang iya iloy.
Nagpanugyan naman ini sa mga ginikanan nga tinguhaan gid nga mapaeskwela ang mga kabataan.
Sa mga bata naman suno kay Dodong, dapat nga balikan sang mga ini ang katutom sang ginikanan.
Nahibaluan nga bisan pagpanguma lang ang palangabuhian sang ginikanan ni Dodong, napatapos sini ang siyam ka mga kabataan kag lunsay na sa karun mga professionals.
