-- ADVERTISEMENT --
Ginpangunahan sang bise gobernador sang probinsya sang Negros Occidental ang pormal nga pagtakop sang 2024 Panaad sa Negros Festival.
Sa speech ni Negros Occidental Vice Governor Jeffrey Ferrer sa closing ceremony, ang closing day ang adlaw para marealisar ang mga kakulangan nga naobserbahan sa pito ka adlaw nga selebrasyon kag kun paano ini maimprubar sa madason nga selebrasyon sang kapiyestahan.
Suno kay Ferrer, himuon pagid nga mas exciting ang masunod nga pagpatigayon sang Panaad sa Negros Festival.
Suno sa bise gobernador, nangin madinalag-on man ang 28th Panaad sa Negros Festival kag nagpasalig ini nga mas mangin masadya pa ang madason nga paghiwat sang nasambit nga festival.
