Nangin madinalag-on ang pagpatigayon sang tatlo ka adlaw nga Panuba-suba trekking sa ciudad sang Silay.
Sa interview sang Bombo Radyo kay Enviromentalist Rich Mark Jonas, kapin sa 30 ka mga participants ang nag-upod sa ila nga trekking.
Suno diri, sila nagpatigayon sang open forum sa mga issues kag concerns sa mga suba kun sa diin nahatagan sang awareness kag impormasyon ang tanan nga mga partcipants, indi lamang sa problema sa mga suba, apang nahatag man ang mga impormasyon kun paano ini mabuligan.
Madamo sang issues kag concerns sa mga suba kag ini ang gin-address sa Panuba-suba activity.
Sa interview sang Bombo Radyo kay Randy James Rojo,Enviromentalist, may yara sang issue angot sa bulk water project, sa mga illegal structures, quarry kag iban pa.
Suno diri, naghatag sila sang manifesto sa ahensya sang gobyerno kun ano ang mabulig kag kun paano mahatagan sang impormasyon ang kasubaan.
