Ginlimitahan sang Bangko Sentral ng Pilipinas (BSP) ang balor sang payouts ukon withdrawals sa kada transaction sa mga bangko kada adlaw.
Suno sa central bank, mahimo lamang makakuha sang P500,000 sa kada transaction.
Sa Circular No. 1218, series of 2025 nga ginpagwa ni BSP Governor Eli Remolona Jr., ginmanduan ang central bank-supervised financial institutions (BSFI) nga magpatuman sang “enhanced due diligence” sa dalagko nga value cash-related payments kag transactions.
Suno sa bangko, ang withdrawals nga nagalapaw sa gin-set nga balor ang mahimo lamang himuon ukon ma-facilitate paagi sa check payment, fund transfer, direct credit to deposit accounts, kag iban pa nga paagi sa digital payment platform sang BSFI.
Ini nga direktiba ang kasunod sang announcement sang Anti-Money Laundering Council nga gin-freeze sang Court of Appeals ang 135 bank accounts kag 27 insurance policies nga naangot sa mga persona nga involved sa iregularidad sa flood control projects.
