Naghatag sang pahanumdom ang head coach sang Rain or Shine basketball team sa mga botante kasunod sa nagasaka nga numero sang mga atleta nga nagasulod sa pulitika.
Suno kay coach Yeng Guiao nga nagserbe bilang bise gobernador sang Pampanga sa sulod sang siyam ka tuig kag kongresista sa isa ka termino, nga dapat maghalong ang mga botante sa pagpili sang ila kandidato kag ginpahanumdom sini nga dapat tun-an kun sin-o ang pulitiko.
Suno diri, indi bangod nga basketball player, artista ukon sikat ang kandidato sila ang botohon na gilayon.
Dapat suno kay Guiao, tun-an sang husto kun ano ang programa nila kag kun ano ang ila mga rekord kun bala sila may yara sang nahibaluan sa ila nga luyag sudlan.
Mahibaluan nga pila ka mga sportspersons ang nagfile sang ila Certificate of Candidacy para sa 2025 midterm elections nga amo sanday former Senator Manny Pacquiao, re-electionists San Juan Mayor Francis Zamora, Councilors James Yap kag Don Allado, Renren Ritualo nagpapili bilang San Juan councilor, Kenneth Duremdes sang MPBL partylist, Congressman Franz Pumaren sang Quezon City 3rd district, Cebu City Vice Mayor “Cebuano Hotshot” Dondon Hontiveros, Danny Ildefonso bilang Urdaneta, Pangasinan councilor, kag Jeric Teng bilang Gumaca, Quezon councilor kag iban pa.
Si Guiao nga nagdaog para sa Filipino athletes sa Supreme Court (SC) sang tinlaikdan nga bulan, ang nagpahayag nga indi sini pag-i endorsohon ang basketball player bangod lamang sa rason nga sila ang yara sa magkaparehas nga patag sang hinampang.
Apang, gin-athag sang PBA champion coach nga wala ini sang problema nga makita ang iya fellow sportspersons nga magsulod sa political arena.
Apang para kay Guiao, ang oras sini sa pulitika ang tapos na kag siya ang magafocus sa iya coaching career.
