Ginpanginwala ni President Ferdinand Marcos Jr. ang mga akusasyon sang “overkill” kag human rights violations sang Philippine National Police sa nagapadayon nga raid sang compound sang Kingdom of Jesus Christ (KOJC) sa Davao City sa isa ka attempt nga arestuhon ang pugante nga pastor nga si Apollo Quiboloy.
Gindepensahan ni Marcos Jr. ang police operations sa Davao City kag ginpahayag nga justified ang numero sang mga police nga ginpangdeploy bangud sa kadakuon sang area.
Suno sa iya, ang rason kun ngaa ginahimo sini amu nga agud mamintinar ang kalinong kag ang pamaagi lamang agud mamintinar ang kalinong amu nga masiguro nga safe kag secure ang area.
Suno pa diri, ang area ang 30 ka hektarya gani kinahanglan sang madamo nga tawo.
Suno kay Marcos, kun madutay, mas madamo ang masakitan nga mga supporters kag pulis apang kun madamo sang pulis, matapos gilayon ang problema.
Gincriticize man sini si Quiboloy sa paggamit sang iya mga sumulunod nga i-block ang mga otoridad kag i-evade ang arrest.
