Ginpahayag ni President Ferdinand Marcos Jr. nga preparado ang gobyerno sa tunga sang asod-asod nga tropical cyclones nga nagalaslas sa nagkalain-lain nga bahin sang pungsod.
Suno sa Presidente, ila ginamonitor ang mga epekto ni Bagyo Nika sa Isabela kag Aurora kag ginpahayag nga nakapreposition ang gobyerno sang relief goods kag iban pa nga kinahanglanon nga mga equipment.
Apang gin-emphasize sini ang panginahanglanon nga magpreparar para sa Bagyo Ofel.
Aminado man si Marcos Jr. nga may mga kabudlayan sa pagrehabilitate sang mga areas nga naapektuhan sang asod-asod nga mga bagyo.
Ginhangkat sang chief executive ang mga residente nga nahamtang sa mga areas sa palibot sang path sang bagyo nga magsunod sa mga mando.
Nagpasalig si Marcos Jr. sa publiko nga preparado ang gobyerno nga magresponde sa mga areas nga naapektuhan sang bagyo sa madasig nga tinion.
