Ginpasalig ni President Ferdinand “Bongbong” Marcos Jr nga kabahin sa public service kag indi angot sa pamulitika ang pagbisita sini kay Naga City Mayor Leni Robredo.
Ini sa pihak sang rumors angot sa mahimo pagpapili ni former Vice President Robredo sa pagka-Presidente sa 2028.
Magka-upod sanday Marcos kag Robredo sa pag-inspection sa flood control efforts sang ciudad.
Pahayag sang Presidente nga wala nila na-estoryahan ang alyansa, sa baylo gina-una nila ang serbisyo antes ang politika.
Dugang pa ni Marcos nga ang pinaka-politika na sini nga nahimo amo ang pagsuksok sang pink nga medjas bilang pagpasidungog kay Mayor Leni.
Madumduman nga pink ang campaign color ni Robredo sang siya ang nagpapili sa pagka-Presidente sang 2022.
Suno kay Marcos, pila ka bulan na nga ginplano ang pagbisita bangod sa malala na nga mga pagbaha sa Naga ilabi na nga ang lugar ang catch basin.
Ang problema ang indi lamang sa Naga City kag Camarines Sur, kundi sa bilog nga Bicol Region.
Sila ang magapadayun sa pagpatigayon sang desiltation operations sa mga suba, tubtob nga makahuman na sang long-term solutions.
Ang isyu sa posibilidad sang alyansa ang naggwa matapos sang pagdeklarar ni Vice President Sara Duterte nga ini ang magapapili sa 2028 Presidential election.
