Natumod na sang gobyerno ang mga empleyado sang Bureau of Immigration (BI) nga yara sa likod sang pagpalagyo ni dismissed Bamban, Tarlac Mayor Alice Guo.
Suno kay President Ferdinand Marcos Jr., indi pagpahanugutan sang gobyerno nga indi manabat ang may kahimuan sini.
Suno sa iya, manugtapos na si Department of Justice (DOJ) Secretary Jesus Crispin Remulla sa pagpatigayon sang madalom nga imbestigasyon natuhoy sa kaso ni Guo.
Suno sa iya, sarang nga matumod sang DOJ ang tanan nga mga imbolbado diri.
Nagpasalig man ini nga magahimo gilayon sang tikang ang gobyerno natuhoy sa kaso ni Guo.
Suno diri, may yara na ini sang ideya kun sin-o nga mga persona nagikan sa Bureau of Immigration ang paga-imbestigahan sa pagpalagyo ni Guo nagikan sa mga otoridad sang Pilipinas.
