Pormal nga gin-abiabi sang Police Regional Office–Negros Island Region (PRO NIR) si PBGEN Rudecindo L. Reales bilang bag-o nga Regional Director sa Arrival Honors Ceremony nga ginpatigayon kahapon, Setyembre 8, 2026 sa Camp Alfredo M. Montelibano Sr., Bacolod City.
Matapos ang seremonya, nagpatigayon sang command briefing ang PRO NIR agud mahatagan si Reales sang impormasyon parte sa organisasyon, crime prevention kag crime solution efforts, kag peace and security situation sa Negros Island Region.
Sa interview sang Bombo Radyo kay Reales, isa sa iya prayoridad bilang bag-o nga regional director sang PRO NIR amo ang crime prevention kag solution kasubong man ang police visibility.
Ini bangud suno diri, mas maayo nga mapunggan ang krimen antes pa ini matabo bangid mahimo ini maghatag sang malawig nga epekto sa mga biktima.
Ginhatagan man ni Reales sang importansya ang presensya sang kapulisan sa mga dalanon nga makabulig agud malikawan ang bisan ano nga krimen.
Mensahe sini nga magapabilin ang paghiliusa sang PRO NIR sa paghatag sang tampad kag madasig nga serbisyo para sa pumuluyo sang Negros Island Region.
