Gin-athag sang Philippine Coast Guard nga indi sila magbiya sa ginaagawan nga kadagatan sa West Philippine Sea apisar sang pagpull-out sang BRP Teresa Magbanua nagikan sa Escoda Shoal.
Suno kay PCG spokesperson on the West Philippine Sea Commodore Jay Tarriella, ang Teresa Magbanua, nga amu ang pinakadako kag pinakamahal nga barko sang Coast Guard ang na-accomplish na ang mission sini.
Suno kay Tarriela, ang una nga objective sang nasambit nga barko amo nga untaton ang reclamation nga ginahimo sa Escoda.
Ikaduha amu nga protektahan ang marine environment kag ikatatlo amu nga suportahan ang mga manugpangisda nga Filipino.
Suno sa PCG official, tion na para sa vessel nga magbalik sa port sa Palawan agud i-address ang structural damage sa barko kag panginahanglanon sang mga personnel.
