Ginpahayag sang tagpamaba sang Philippine Drug Enforcement Agency (PDEA) – Region 6 nga naga-pamroblema sila sa gihapon sa bug-os nga probinsya sang Negros Occidental lakip na ang syudad sang Bacolod bangud sa naga-data pa nga iligal nga droga.
Sa interview kay Dave Garcia, nagnubo na ang volume sang iligal nga droga sa isla sang Panay lakip na ang Guimaras, apang naga-data naman sa probinsya sang Negros Occidental.
Madamo pa sila suno sa iya sang obrahon sa probinsya agud matapna ang droga.
Suno sa iya madamo pa ang naga-kaladakpan nga mga high value targets kag madamo pa nga mga drug lords ang wala pa nadakpan kag indi lang linibo kundi milyones ang naga-karekober nga iligal nga droga sang mga otoridad.
Bangud diri, mas maga-doble pa ang ila paghulag sa mga patigayunon nila nga operasyon ilabi na nga ginakabig ang probinsya nga transhipment sang iligal nga droga gikan sa Cebu kag rehiyon sang Mindanao.
