Kadungan sa una nga anibersaryo sang pagdala kay former President Rodrigo Duterte sa International Criminal Court, ginapanawagan man sang Partido ng Demokratiko Pilipino Lakas ng Bayan Visayas (PDP Laban-Visayas) sa Korte Suprema nga magpagwa na sang desisyon sa kaso nga nagakwestyon sa jurisdiction sang ICC sa Pilipinas.
Sa interview sang Bombo Radyo Bacolod kay Atty Jayvee Hinlo, Deputy Secretary General sang PDP-Laban Visayas, may pagmartsa nga ginpatigayon ang mga Duterte supporters gikan sa Liwasang Bonifacio padulong sa Korte Suprema.
Luwas diri, ginapanawagan nila sa Korte Suprema nga desisyonan na ang ginfile nga kaso nga nagakwestyon sa pag-implementar sang gobyrno sang ICC arrest warrant, apisar nga sila ang wala na sang jurisdiction sa Pilipinas.
Suno diri, ginpahayag sang mga kaupdanan nila nga may impormasyon na si Duterte tuhoy sa pag-aresto sang magpadulong sa Hong Kong, apang panindugan sang anay Presidente nga siya ang magapauli, kag sa Pilipinas na lamang ichallenge ang proseso.
Apang wala nila ginalauman nga indi na maglabay sa local court kag ini ang derekta nga dal-on sa ICC, nga maathag nga pagbayolar sa due process.
Sa personal nga opinyon ni Hinlo, ang pag-aresto ang makonsiderar nga kidnapping.
Suno diri, ginahulat na lamang ang sabat sang Korte Suprema agud matapos na ang isyu sa jurisdiction.
Ginpaanggid sini sa una nga impeachment case ni Vice President Sara Duterte, nga matapos gindeklarar sang Korte Suprema nga nagabayolar sa due process, gilayon naman nga natapos ang isyu.
Suno diri, sa mga National issues, dapat nga desisyonan sang Korte Suprema agud malikawan ang dugang nga kinagamo kag pagbinahin-bahin sang mga pumuluyo.
