Ginpaidalom sa Blue Alert Status ang Provincial Disaster Risk Reduction and Management Council (PDRRMC) kag Emergency Operations Center (EOC) sang Negros Occidental sa sini nga Semana Santa nga magasugod sa Abril 1 tubtob 6.
Sa interview sang Bombo Radyo Bacolod kay Negros Occidental Provincial Disaster Risk Reduction and Management Council Head Irene Bel Ploteña, nakapreparar kag ready for deployment na ang tanan nga mga responders sa Negros Occidental.
Suno kay Ploteña may yara sang medical responders nga onstandby sa mga simbahan, pantalan kag terminals nga nakahanda nga magresponde sa bisan ano nga oras.
Nagpanugyan ini sa tanan nga magsuksok lamang sang komportable nga mga bayo sa tion magpadulong sa mga simbahan kag iban pa nga mga lugar sa subong nga holy week.
Dugang pa sini nga dapat bantayan ang tagsa ka pamilya sa tion nga magkadto sa beach bangud wala sang nakapakot sang characteristics sang dagat.
Ginpahayag man sini nga dapat mahibaluan sang publiko kun sa diin nahamtang ang medical responders station ukon mga emergency numbers agud nga madasig makatawag sang bulig kun kinahanglanon.
