Hugot nga igamonitor sang Department of the Interior and Local Government (DILG) Bacolod City ang mga indi performing Barangay sa ciudad subong nga 2025.
Sa interview sang Bombo Radyo Bacolod kay DILG Bacolod City Director Christian Nagaynay, ang Barangay Taculing ang may pinakamadamo nga nakuha nga award sa 61 ka Barangay sa Bacolod City.
Suno kay Nagaynay, nalakip man sa Best Performing Barangays ang Barangay Pahanocoy kag Barangay Granada ini bangud sa manifestation sang ila nga validated performance 2025.
Dugang pa sang Director sang DILG-Bacolod City nga gingamit nila sa paghatag sang Better Bacolod award sa performing Barangays ang matrix sang Seal of Good Local Governance (SGLG) nga ginpatigayon sang Disyembre 5,2025.
Suno pa kay Nagaynay nga isa man sa ginkonsiderar sang mga ini sa paghatag sang award amo ang compliance sang tagsa ka mga Barangay sa ila nga mga financial report.
Dugang pa sini nga hugot nila nga igamonitor ang mga Barangay nga yara parang sa compliance stage ukon ang mga wala pa sa highly performance Barangay.
