Nagdangat na sa anom ang persons under investigation sa 2019 novel coronavirus sa ciudad sang Bacolod.
Suno sa spokesperson sang Inter-Agency Task Force on Coronavirus sang Bacolod nga si Dr. Grace Tan, isa ka 29-anyos nga babaye nga nagpadulong sa Macau kag 45-anyos nga babaye nga nagikan sa China ang pinakaulihi nga mga pasyente nga gina-obserbahan sa ospital sa ciudad.
Ginalauman naman nga magwa na ang resulta sang laboratory test sang mga nauna nga PUIs sa ciudad nga ginalakipan sang 59-anyos nga Pinay nga nagbisita sa Hong Kong kag 12-anyos nga may travel history sa Hong Kong kag Macau.
Suno kay Tan, ipagwa na sang Research Institute for Tropical Medicine (RITM) ang resulta sang laboratory test subong nga adlaw.Nahibaluan kahapon nga isa ka foreign national kag isa ka lalaki nga Pinoy ang narekord man nga PUI sa coronavirus.
Ang mga ini ang gina-obserbahan sa Corazon Locsin Montelibano Memorial Regional Hospital.
