Ginpabutyag ni Emma Tiglao, ang iya dako nga pagpasalamat kag kalipay matapos ang iya nga pagdaog bilang Miss Grand International 2025.
Suno kay Tiglao, nagapasalamat siya sa Miss Grand International Organization, kag sa mga personalidad nga naghatag sang oportunidad sa iya nga magrepresentar sang Pilipinas.
Ginpasalamatan man ni Emma ang iya mga Pilipino sa padayon nga suporta sa iya journey sa pageant.
Gindugang pa niya nga halin sa una ang mga Pilipino amo ang iya kusog.
Mahibaluan nga si Tiglao ang nagdaog batok sa 70 ka kandidata halin sa nagkalain-lain nga pungsod kag nakuha ang back-to-back nga kadalag-an para sa Pilipinas sa Miss Grand International.
Dugang pa ni Tiglao nga luyag niya nga gamiton ang iya plataporma para maayo nga pagbag-o kaangay sang pagbisita sa mga nagkalain-lain nga lugar, pagpamati sang ila mga istorya, kag magapabilin sang positibo nga impluwensiya sa komunidad.
