Nagpasalamat ang Philippine Coast Guard (PCG) sa China Coast Guard (CCG) bangud sa ila pag-rescue sang 17 ka Filipino nga tripulante halin sa barko nga MV Devon Bay nga nagbaliskad sang Huwebes, Enero 22, malapit sa Scarborough Shoal.
Suno kay PCG spokesperson Capt. Noemie Guirao-Cayabyab, apisar nga 36 nautical miles ang kalay-on halin sa lugar sang insidente, gilayon nga naghatag sang bulig ang barko sang CCG.
Suno sa report, ang amo nga cargo vessel ang nagikan sa Gutalac, Zamboanga del Sur kag nag-usoy sa YangJiang, China sang matabo ang insidente.
May ara sang sakay nga 21 ka Pilipino nga tripulante ang amo nga barko kag santo sa post sang China Military Bugle, 15 sa ila ang yara na sa stable nga kondisyon, 2 ang kumpirmado nga napatay, samtang 4 pa ka crew member ang padayon nga ginapangita.
Ang ulihi nga lokasyon sang barko ang narekord sa 141 nautical miles sa west sang Sabangan Point sa Agno Bay, Pangasinan.
Sa karon, padayon ang PCG sa pagpatigayon sang search and rescue operations gamit ang mga barko kag eroplano.
Sa aerial surveillance, nakita ang isa ka nagbaliskad nga life raft kag ang nabilin nga mga langis lapit sa lugar sang insidente, nga naghatag sang kahangawa nahanungod sa posible nga oil spill.
Samtang padayon ang koordinasyon sang PCG sa Hong Kong Rescue Coordinating Center.
