Padayon ang monitoring sang Philippine Coast Guard- Negros Occidental sa baybayon sang Sagay City, matapos nga nagluntad ang molasses spill sa lugar nga nagikan sa M/T Mary Queen of Charity, sang Agosto 7 sang hapon.
Sa interview sang Bombo Radyo Bacolod kay Commander Jansen Benjamin sang Coast Guard Station Northern Negros Occidental, nagpatigayon sila sang inspection sa barko kun sa diin ila nakita nga wala man ini sang buslot ukon patimaan nga ini ang nakabunggo nga gintunaan sang pagleak sang molasses.
Suno kay Benjamin, ang mga tanker nga kaangay sang M/T Mary Queen of Charity ang safety compliant vessel.
Suno diri, ang molasses spill ang indi maghalin sa barko kag ang theory nila amo nga samtang ginasaylo ang molasses halin sa lorry truck padulong sa vessel, didto natabo ang pag-awas sini.
Sa karun santo sa ulihi nga drone shot ang mga molasses wala na bangud nagalugdang lamang ini.
Nagpanugyan ang coast guard commander sa mga nagatrabaho kaangay sang pagsaylo sang molasses ang maghalong agud malikawan ang kaanay nga insidente.
Ginalantaw nga sa Biyernes naman magwa ang resulta sa water sample nga may molasses nga ginkuha sang katapo sang Environmental Management Bureau para sa examination.
