Nakabaton sang Wounded Personnel Medal ang miyembro sang Philippine Navy nga nautdan sang kamalagko sa pinakaulihi nga encounter batok sa Chinese Coast Guard sa Ayungin Shoal sa West Philippine Sea.
Si Seaman First Class Underwater Operator Jeffrey Facundo ang miyembro sang elite Naval Special Operations Group (NAVSOG).
Nautod ang iya kamalagko sa natuo nga kamot matapos nga nagbungguanay ang barko sang Pilipinas kag Chinese Coast Guard sa Ayungin Shoal sang Hunyo 17 sang aga.
Suno kay AFP Western Command Commander Rear Admiral Alfonso Torres Jr., nagtungtong ang forward portion sang China Coast Guard rigid hull inflatable boat (RHIB) sa iya sang Pilipinas kag natabuan nga nagauyat diri ang kamot ni Facundo.
Bangud sa kabug-aton kag kadasigon sang RHIB sang Chinese Coast Guard, naigo ang kamalagko ni Facundo, kag maswerte lang nga indi bilog niya nga kamot.
Personal nga gin-award ni AFP Chief of Staff General Romeo Brawner Jr. ang medalya kay Facundo nga nagapaayo sa karon sa medical facility sa Palawan.
Sa pihak sang pilas ni Facundo, wala naman ini nahadlok nga liwat siya nga ideploy sa Ayungin Shoal.
Suno sa iya, sundon niya ang order sa iya.
