Ginpahayag sang isa ka opisyal sang Philippine Navy nga indi mag-untat ang ahensya sa pagpatigayon sang ila nga mandato sa pihak sang unilateral fishing ban nga ginpatuman sang China kalakip na ang maritime zones kun sa diin ang Pilipinas ang may yara sang soberanya kag jurisdiction.
Suno kay Philippine Navy spokesperson for the West Philippine Sea (WPS) Commodore Roy Vincent Trinidad nga wala ginakilala sang ahensya ang provocative statement ukon magauntat sa pagtrabaho sang ila nga mga mandato agud nga masiguro ang welfare sang mga Filipino sa duta man ukon sa kadagatan.
Ini ang kasunod sang gin-anunsyar sang China nga nagpatuman sang fishing ban nga nag-umpisa sang Mayo 1 kag magadugay tubtob sa Setyembre 16 sa mga lugar nga yara sa naaminhan sang South China Sea north sang 12 degrees north latitude.
Ginpahayag ni Trinidad nga nagpatrolya sila dugang matapos ang pag-anunsyar ni President Ferdinand R. Marcos Jr. nga ang pungsod ang magabalhin sa external defense gikan sa internal security operations.
Mas ginpasanyog pa ini matapos nga nag-anunsyar si Defense Secretary Gilberto Teodoro Jr. nga ang Armed Forces of the Philippines ang magaadoptar sang Comprehensive Archipelagic Defense Concept agud nga mas maprotektahan pa ang teritoryo sang pungsod kalakip na ang exclusive economic zone kalakip na ang interest sini.
Santo sa report sang Philippine Navy, humalin sanh Mayo 21 tubtob May 27, nasiplatan sa walo ka lugar sa West Philippine Sea ang 122 ka mga assorted Chinese ships.
Ang ini nga mga barko ang nasiplatan sa mga masunod nga lugar: sa Bajo de Masinloc, nasiplatan ang lima ka China Coast Guard Vessels (CCGVs) kag 14 Chinese Maritime Militia Vessels (CMMVs); sa Ayungin Shoal, lima ka CCGVs kag 17 CMMVs; Pagasa Island, isa ka CCGV, isa ka People’s Liberation Navy (PLAN) ship, kag 34 CMMVs; Kota Island, isa ka CMMV; Lawak Island, isa ka CMMV; Panata Island, tatlo ka CMMVs; Patag Island, duha ka CCGVs kag duha ka CMMVs; Sabina Shoal, suha ka CCGVs, apat ka People’s Liberation Navy (PLAN) ship PLAN, kag 30 CMMVs.
Samtang wala sang Chinese ships ang nasiplatan sa vicinity sang Parola kag Likas Islands kag Julian Felipe Reef.
