Philippine Red Cross, nagdeliver sang matinlo nga tubig sa mga residente sang La Castellana nga nag-evacuate kasunod sang paglupok sang Bulkan Kanlaon

Nagpanagtag ang Philippine Red Cross (PRC) paagi sa Negros Occidental-Bacolod City Chapter sang matinlo nga tubig sa masobra 400 ka mga residente sa banwa sang La Castellana nga nag-evacuate kasunod sang paglupok sang Bulkan Kanlaon kag pag-ilig sang lahar.

Ang PRC ang nakapanagtag na sang masobra 3,600 liters sang tubig sa mga apektado nga banwa, nagfacilitate sang pagpromote sang hygiene sa 480 individuals; kag nagserbe sang hot meals kag pagkaon sa masobra 2,800 ka mga tawo sa Negros Occidental.

Suno kay PRC Chairman kag CEO Dick Gordon, ini ang dugang sa iban pa nga humanitarian aid nga ginahatag na sang organisasyon sa mga pamilya nga yara sa evacuation centers bangud sa paglupok sang Bulkan Kanlaon.