Nagapadayon ang mga aktibidad sang Philippine Red Cross (PRC) angot sa Holy Week Operations 2025 nga nagumpisa sang Abril 12, 2025 sa bug-os nga pungsod.
Nabuligan sang mga ini ang kabug-usan nga 5,065 ka mga pasyente kun sa diin 4,676 ang nagpaidalom sa vital signs monitoring, 366 ang may minor cases,10 ang major cases kag 13 ang ginsaylo sa ospital.
Ang minor cases ang ginalakipan sang pilas, pagpalanakit sang tiyan, pagpalangluya, hilanat kag iban pa.
Sa mga major cases naman, ini ang ginalakipan sang hapo, pagpalanakit sang dughan, kag shortness of breath.
Naghatag man sang welfare assistance kaangay sang psychological support, referral, free calls, tracing, kag pagkaon sang PRC.
Agud nga masabat ang kinahanglanon, nagdeploy sila sang 178 ka ambulansya, 21 service vehicle, 3 rescue boat, 375 first aid stations, kag 137 welfare desk, kaupod ang 1,840 volunteers kag 313 staff.
May yara sang 24 PRC chapters kag mga estasyon sa 100 ka mga simbahan, 40 highways, 25 beaches, 22 bus terminals, kag iban pa nga mga lugar.
May yara man sang 24 PRC chapter kag mga istasyon sa 100 ka mga simbahan, 40 highways, 25 beaches, 22 bus terminals, kag iban pa nga mga lugar.
Ang operasyon sang PRC subong nga Semana Santa ang nagpakita nga preparado kag dedikasyon sa paghatag sang bulig sa publiko.
