Philippine women’s football team, nakakuha sang ila labing una nga gold medal sa SEA Games 2025

Naangkon sang Pilipinas ang una nga bulawan nga medalya sa Southeast Asian Games women’s football matapos nga ginlutos ang defending champion nga Vietnam paagi sa penalty shootout sa score nga 6-5 sa gold medal match sang 2025 SEA Games sa Thailand kahapon sang Miyerkules.

Amo ini ang pinakauna nga bes nga nakanta ang National anthem sang Pilipinas sa victory ceremony sa women’s football.

Nahibaloan man nga ang goal keeper nga si Inna Palacios ang magaretiro na sa Philippine National Women’s football matapos ang 18 ka tuig nga serbisyo sini sa program.