Nangin kontrobersiya ang natapos lang nga Miss Universe 2025 sa mga alegasyon nga may gindaya sa resulta.
Ginpakita sa publiko sang host sang Miss Universe 2025 nga si Steve Byrne ang picture sang resulta sang competition.
Ginpakita sini ang result card kun diin nakabutang ang pangalan sang mga winners nga amo man ang gin-anunsyar sa coronation night sa Bangkok.
Madumduman nga ginpauli ni Fátima Bosch sang Mexico ang korona samtang first runner-up naman si Praveenar Singh sang Thailand kag second runner-up naman si Vanessa Pulgarin sang Venezuela.
Nangin third runner-up naman si Ahtisa Manalo sang Pilipinas kag fourth runner-up si Olivia Yacé sang Côte d’Ivoire.
Matapos ang pageant, gin-alegar ni Miss Universe resigned judge Omar Harfouch nga gindayaan ang resulta sang pageant kag gintawag sini si Miss Universe 2025 Fátima Bosch nga “fake Miss Universe.”
Suno pa kay Harfouch ang amay ni Fatima Bosch kag ang tag-iya sang Miss Universe nga si Raúl Rocha ang magbusiness partner.
May ginpagwa man nga mga pictures si Harfouch kun sa diin nagahakos si Bosch kay Rocha apang may naghambal nga AI-generated photo lamang ini.
Suno pa kay Harfouch, ginpasulod sang komitiba sa top 30 ang mga contestants nga may yara sang personal nga connection sa ila lakip na diri ang delegate nga may relasyon sa committee.
Samtang gindeny naman ini tanan sang Miss Universe Organization (MUO).
