Nagluntad ang pagbaha sa pila ka Barangay sa ciudad sang Victorias, Negros Occidental, kahapon.
Ini ang ginalakipan sang Barangay 1, 2 kag 4, Victorias City matapos ang mamunog nga pag-ulan.
Kahapon, nagsaka ang level sang tubig sa Malihao river sa ciudad sang Victorias bangud man sa madamol nga pag-ulan sa norte nga bahin sang probinsya.
Nagpagwa naman sang statement ang alkalde sa ciudad sang Victorias bangud sa pagbaha.
Sa statement sang alkalde, bangud nga tig-alani na, natapas na ang kadam-an sang mga tubo kag iban pa nga pananum nga nagasuyop sang tubig-baha.
Ang mga harvest scraps kaangay sang dahon kag iban pa ang ginapahayag nga nagabara sa mga drainage system sang cuidad rason nga wala sang iligan ang tubig kundi ang mga kabalayan.
Dugang pa ni Benitez nga humalin sang 2022, madamo na sang flood control projects nga ginsuguran ang cuidad pareho sang dredging kag pag-improbar sang drainage systems.
Samtang ginkanselar naman ni Benitez ang ila nga New Year’s celebration agud maghatag sang bulig sa mga pamilya nga apektado sang flashflood kag drainage reinforcement.
Natalana naman nga magasapol si Benitez sa mga katapo sang CDRRMO agud nga masolusyunan ang problema sa pagbaha.
