Pila ka grupo nagtipon sa atubang sang San Sebastian Cathedral sa Bacolod City agud nga magpatigayon sang candle lighting kag nagapanawagan nga indi pag-idelay ang impeachment trial ni Vice President Sara Duterte.
Sa interview sang Bombo Radyo Bacolod kay Ken Paolo Gilo sang Akbayan Youth Partylist, nagtipon ang mga nagkalain-lain nga grupo sa atubang sang San Sebastian Cathedral agud nga magpatigayon sang candle lighting agud nga magpanawagan sa mga Senador nga sundon ang ila nga constitutional duty kag indi na pag-idelay pa ang trial sang impeachment case batok kay Vice President Sara Duterte.
Suno kay Gilo, maathag naman sa tanan nga sa tion nga mabaton sang Senado ang impeachment case ang maga-convene na ang mga ini para sa impeachment trial.
Ang candle lighting ang nag-umpisa alas 7:00 ang takna sang gab-i kag natapos alas 7:30 ang takna kagab-i nga gintambungan sang kapin 150 ka mga tawo.
