Padayon nga nagagwa ang pangalan ni Filipino Star Alex Eala sa patag sang Tennis matapos ang maragtason nga kadalag-an batok sa defending champion nga si Iga Swiatek sang Poland, sa score nga 7-6, 6-2, sa Wimbledon sa United Kingdom.
Nasaksihan ang hampang sang pila ka kilala nga personalidad, lakip na si Andrew Garfield, isa award-winning British-American actor nga kilala bilang Spider-Man; si Tom Hiddleston, British actor nga nagpasikat sa karakter ni Loki sa Marvel films; kag si Anna Wintour, editor-in-chief sang Vogue kag isa sa pinakaimpluwensyal nga personalidad sa industriya sang fashion.
Sila ang nagtindog kag nagpalakpak kada makapuntos si Eala.
Ginpasindunggan man ni President Ferdinand “Bongbong” Marcos Jr. nga nagasiling nga ginapabugal sang bug-os nga Pilipinas ang kadalaga-an sang Filipina tennis star.
