Ginbalasa ang pila ka mga station commanders sa ciudad sang Bacolod.
Samtang ginahulat pa ang approval sang Police Regional Office 6 sa rekomendasyon sang Bacolod, temporaryo anay nga ginbutangan sang officer-in-charge ang mga police stations nga apektado.
Ini ang ginalakipan nanday Police Major Sherlock Gabana nagikan sa Police Station 7 nga nag-assume sa Police Station 2, bulos kay Police Captain Leo Estopa nga maga-schooling.
Ang deputy station commander sang Police Station 2 nga si Police Lieutenant Florentino Abalayan ang magaserbe anay nga officer-in-charge sang Police Station 7.
Si Police Captain Jun Ray Batadlan sang Police Station 9 ang maga-schooling man kag temporaryo ini nga buslan ni Police Lt. Dionito Pastrana nagikan sa BCPO.
Si Police Lt. Col. Leonardo Borromeo nga amo ang deputy city director for operations ang magaschooling man gani naga-assume sa iya posisyon si BCPO spokesperson Police Lt. Col. Ariel Pico.
Bangud sini, lima na ang posisyon nga ginauyatan ni Pico nga ginalakipan sang BCPO spokesperson, Police Community Relations, Human Rights Officer, summary hearing kag deputy city director for operations.
Suno kay Pico, magahulat pa sila sang sabat sang PRO 6 tuhoy sa ila rekomendasyon.
