Nagkadto ang pila ka mga personalidad sa Kamara agud mag-file sang impeachment complaint batok kay President Ferdinand “Bongbong” Marcos Jr. sang Huwebes, Enero 22, 2026.
Pila sa mga nagserbe nga complainant amo sanday former Ilocos Sur governor Chavit Singson, mga anay Kongresista nga sanday Mike Defensor kag Jacinto Paras, retired general Hermogenes Esperon Jr., Atty Ferdinand Topacio, kag iban pa nga anay opisyal.
Wala pa sang impormasyon kun sin-o ang mga Kongresista nga maga-endorso sang nasambit nga reklamo.
Samtang hugot ang panindugan sang Malacaniang nga wala nagkomiter sang bisan ano man nga impeachable offense si President Ferdinand ”Bongbong” Marcos Jr.
Ini ang ginpahayag ni Palace Press Officer Undersecretary Atty. Claire Castro.
Suno kay Castro, dapat mapamatud-an ang mga akusasyon batok sa Presidente, partikular na ang ginapahayag nga Baselined-Balanced-Managed (BBM) Parametric Formula.
Kahapon, duha ka panibag-o nga impeachment complaint batok kay Marcos ang ginpasaka sang separado nga grupo apang wala ini ginbaton sang Office of the House Secretary General.
