Nagapanawagan ang pila ka mga progresibo nga grupo sang Miyerkules sa Senado nga suguran na ang impeachment trial ni Vice President Sara Duterte.
Sa House plenary session, 215 sa 306 ka mga House members ang nagsuporta sang isa ka fresh complaint batok kay Duterte, mas sobra sang sa 102 nga kinahanglanon para matransmit sa Senado ang complaint para sa trial.
Suno kay Akbayan Rep. Perci Cendana, ang endorses sang labing una nga impeachment complaint batok kay Duterte, nagahilapit na ang expiration date sang gahom ni Duterte.
Samtang, ginpalakpakan naman ni Atty. Chel Diokno, nga amu ang labing una nga nominee sang Akbayan sa May elections, ang impeachment ni Duterte kag gintawag ini nga kadalag-an sa espirito sang EDSA.
Wala pa nakapagwa sang komento ang bise-presidente natuhoy diri apang una na nga gintawag ni Davao City Rep. Paolo Duterte ang pagtipon sang perma para sa impeachment bilang isa ka maathag nga tikang sang political persecution.
