Nagpasalig sanday Senators Sherwin Gatchalian kag Francis Tolentino sa publiko nga matigayon ang impeachment trial ni Vice President Sara Duterte sa Hunyo 11.
Suno kay Gatchalian, wala sang choice ang Senado bangud isa ini ka constitutional responsibility sang mag Senador.
Suno sa iya, maathag sa Constitution nga kinahanglan nga magconvene sang impeachment court kun natransmit na ang Articles of Impeachment sa Senado.
Ini man ang kaangay nga sentimento ni Tolentino.
Suno sa iya, posible nga matapos ang impeachment trial sa sulod sang 19 ka adlaw humalin Hunyo 11 tubtob Hunyo 30.
Suno diri, posible nga mapa-narrow down sang prosecution ang pito ka mga Articles of Impeachment, kaangay na lamang sa impeachment ni Chief Justice Renato Corona, kun sa diin ini ang gin-narrow down sa tatlo ka mga articles nagikan sa walo.
