-- ADVERTISEMENT --
Mas madamo nga delegasyon ang ipadala sang Pilipinas sa 33rd Southeast Asian Games nga patigayunon sa bulan sang Disyembre sa Thailand.
Ginpahayag ni Philippine Olympic Committee (POC) President Abraham “Bambol” Tolentino nga madamo sang mga atleta ang naga-training kag ang iban sa ila ang nagpadulong pa sa iban nga pungsod agud didto mag-ensayo.
Yara sa 1,713 nga delegado kalakip na ang officials, nga ipadala sang Pilipinas.
Sa nasambit nga numero 1,300 diri ang mga atleta, nga mas mataas sang 500 kun ipaanggid sa delegasyon sang 2023 SEA Games nga ginpatigayon sa Cambodia.
Sang 2023 nakatipon sang 260 medals ang pungsod nga ginalakipan sang 58 gold, 85 silvers kag 117 bronze medals.
-- ADVERTISEMENT --
