Aton kilalahon ang pinakatigulang nga buhi nga buwaya sa bug-os nga kalibutan nga nangin amay sa masobra 10,000 ka mga buaya.
Si Henry, nga isa ka Nile crocodile, ang naga-edad sa karun sang 124 anyos.
Siya nagatinir sa South Africa’s Crocworld Conservation Centre matapos ini nga madakpan sa Botswana Okavango Delta sang 1903.
Wala nahibaluan kun san-o siya ginbun-ag apang ginabanta nga naga-edad na ini sang masobra sa 100 ka tuig.
Humalin pa sang 1985 sang ginbutang si Henry si Crocworld kag didto ini gintatap sang husto.
Siya nangin amay sa masobra 10,000 ka mga bata sini kun sa diin ginkakibot sang mga conservationist ang active reproduction sini nga nagbulig sa populasyon sang mga buaya.
Ginabanta naman nga nagabug-at sang 700 kilograms ukon 1,540 pounds kag may kalabaon nga 5 metres ukon 16.4 feet si Henry.
Tubtob sa karun wala sa gihapon nahibaluan kun ngaa malawig ang kabuhi sang mga buaya.
Mabudlay tun-an ang mga buaya kaangay kay Henry bangod malawig ang kabuhi nila samtang nagtaliwan na ang mga scientists nga naga-tuon sa ila.
