Nagtapos nga 4th place si EJ Obiena sa 2024 pole vault matapos mapaslawan nga maclear ang 5.95m bar sa 2024 Paris Olympics.
Napaslawan ini nga makakuha sang bronze nga medalya para sa pungsod matapos nga nagtapos nga ikaapat sa men’s pole vault final sa Stade de France kaina gid lamang sang kaagahon.
Apang ini ang mas mataas sang sa nangin performance sini sa Tokyo Olympics sang 2021 matapos siya ang nagrank-11.
Sa karun si Obiena ang World’s Number 2 kag nagtuyo kuntani nga malutos si Armand Duplantis sang Sweden nga amu man sa karun ang nakakuha sang kampeonato kag gold nga medalya.
Nakakuha naman sang silver medal si Sam Kendricks sang Amerika kag bronze si Emmanoul Karalis sang Greece.
Ang nangin best jump sang 28-anyos nga Filipino pole vaulter amu ang 5.90 meters.
