Ginpahayag sang officer in charge sang Bacolod City Police Office nga pasanyugon ang police visibility agud nga masolusyunan ang ginapangatubang nga problema sang ciudad.
Sa interview sang Bombo Radyo Bacolod kay Police Col. Joeresty Coronica, pasanyugon sang BCPO ang police visibility bangud ini ang ginalantaw nga makapahagan-hagan sang problema sa riding in tandem kag makapasanyog sa pagpatuman sang curfew for minors.
Suno kay Coronica, ang nasambit man nga tikang ang ginalantaw nga proactive measures agud nga malikawan ang mga krimen nga ginahimo sang mga menor de edad kaangay lamang sang pagpangawat.
Samtang gin-emphasize man sini nga indi man maperfect ang pagpatuman sang mga tikang nga wala na sang magluntad nga krimen bangud bisan sa mga manggaranon nga ciudad sa iban nga pungsod, may nagaluntad nga krimen.
Suno diri, ginahimo man sang mga kapulisan ang mga proactive measures apang ang pagtapna sang krimen ang indi maperfect kag wala man ini nagakahulugan nga nagapabaya na ang mga ini.
