HONG KONG – Gin-anunsyar sang pinuno sang Hongkong nga si Carrie Lam nga siya ang magapanaog sa pwesto sa Hunyo, kag pagatapuson ang divisive term sini nga nagduso sa mga protesta tuhoy sa demokrasya kag hugot nga mga restrictions sa pandemic nga nagbutang sa sektor sang negosyo sa international isolation.
Matapos ang pila ka bulan nga spekulasyon, ginkumpirmar ni Lam nga indi na ini magpapili para sa second term kun magapili ang komitiba sang political elit sang ciudad ang magapili sang bag-o nga pinuno sa masunod nga bulan.
Suno kay Lam, pagatapuson sini ang iya lima ka tuig nga term bilang chief-executive sa Hunyo 30 kag opisyal nga pagatapuson ang iya 42-year career sa gobyerno.
Suno diri, naintindihan kag ginarespeto sa mga pinuno sa China ang iya desisyon nga indi na magpapili pa sang isa ka term kag luyag na sini nga makaupod ang iya pamilya.
Isa ka career bureaucrat, si Lam ang nangin labing una nga babaye nga pinuno sang Hong Kong sang 2017.
Ang 64-anyos ang nagtapos na sang mga palamangkutanon sa sulod sang pila ka bulan kun siya ang liwat nga magapadalagan sa iya anunsyo kahapon kag ginpahayag nga iya na napahibalo ang Beijing sa iya plano nga maghalin isa ka tuig na ang nakaligad.
Wala pa sa karun sang impormasyon ang mga residente sang Hong Kong kag ang mga negosyo nga nakabase sa finance hub kun sin-o ang mangin masunod nga pinuno.
Ang chief-executive position ang indi popularly elected, isa sa mga ginademanda sang pila ka tuig nga mga protesta tuhoy sa demokrasya.
Sa pihak nga bahin, ang position ang ginapili sang isa ka 1,500-strong pro-Beijing committee, ukon 0.02 percent sang 7.4 million nga populasyon sang ciudad.
Ang masunod nga chief executive sang ciudad ang pagapilion sa Mayo 8 apang sa karun wala pa sang may nahibaluan nga prospect kun sin-o ang magapungko sa pwesto.
