Nakaangkon sang minor injuries ang pito sa 19 ka mga pasahero nga nakasakay sa Nissan Eagle truck, 1996 model, nagaduag sang pula nga ginamaneho ni alyas Romeo matapos nga maaksidente sa National Highway, Sitio Magtanday, Brgy. Camindangan, Sipalay City, Negros Occidental kaina alas 12:45 ang takna sang udto Abril 5, 2026.
Ang mga sakay ang nalakipan nanday alyas Romeo,Trixie,Jenica, Irhene, Krystal, Theresa kag Princess.
Sa imbestigasyon ang nasambit nga salakyan nga ginamaneho ni alyas Romeo ang nagabiyahe halin sa Sipalay City pauli sa Barangay Mandalaga, Bacolod City.
Apang sang pag-abot sa dulhugon nga bahin sang dalan, nadulaan sang preno ang salakyan rason nga nadulaan ini sang control kag nagbaliskad.
Bilang resulta pito sa 19 ka sakay sini ang nasamaran apang yara na sa maayo nga sitwasyon.
