Ginkumpirmar sang director sang Bacolod City Police Office nga may pilas sang pagpangluthang sa ulo si Police Lt. Col. Romeo Vargas.
Sa interview sang Bombo Radyo kay Police Col. Eugene Rebadomia, kahapon magka-upod pa sila nga duha ni Vargas kag magkatupad sang bangko sang nagbisita si NAPOLCOM commissioner Josephus Garrote Angan.
Gintawag pa sini si Vargas para magsaka sa stage kag mag-upod sa ila sa pagkuha sang picture.
Suno diri, kaina sang aga nagpost ini sang picture nila ni Vargas sa Facebook apang gin-archive niya na lamang matapos sini mahibaloan ang natabo.
Suno kay Rebadomia, maayo ang ila pag-esturyahanay kahapon kag nagakinadlaw pa sila kag wala man ini sang may nakita nga problema ukon pagbag-o kay Vargas.
Plano kun tani ni Vargas nga mag-apply sa Non-Duty Status sa Hulyo 8 kag magaretire matapos ang tatlo ka bulan sa 33 ka tuig sini sa serbisyo.
Pahayag ni Rebadomia, may nakita sa area nga 45 caliber nga personal nga armas ni Vargas kag siya may gunshot wound sa ulo apang ginahulat pa ang resulta sang imbestigasyon sang SOCO.
