Ginkumpirmar ni Bacolod City Police Office (BCPO) Director Police Colonel Eugene Rebadomia nga may-igo sang bala sa ulo si Police Lt Col Romeo Vargas.
Si Vargas, ang pinuno sang City Administrative and Resource Management Unit sang BCPO, ang nasapwan nga wala na sang kabuhi sang iya bata nga babayi sa iya kwarto sa Prk Zone 11, Brgy. Handumanan, Bacolod City kapin alas-8:00 kaina sang aga.
Ang 56 anyos nga opisyal ang magaretiro na kuntani sa Oktubre 8, 2026.
Suno kay Rebadomia, nagkitaay pa sila kahapon, kag may ginpost pa ini nga litrato nila nga magkaupod sa social media.
Dugang pa sini nga na-estoryahan pa nila ang nagahilapit sini nga retirement, gani nakibot ini sa natabo nga trahedya.
Sa karun, ginahulat pa ang resulta sang imbestigasyon tuhoy sa kamatayon sang opisyal.
