Nangin matawhay ang ginpatigayon subong nga adlaw sang National Police Commission NAPOLCOM Region 6 upod ang Negros Island Region ang Philippine National Police (PNP) Entrance Examination sa Negros Occidental High School sa Bacolod City.
Sa interview sang Bombo Radyo kay Benjamin Florentino, Regional Director sang NAPOLCOM Region 6, gin-retain lang sang NAPOLCOM REGION 6 ang pagpatigayon sang examination sa ciudad sang Bacolod bangud wala nadala sa ila budget ang para sa NAPOLCOM NIR kag sa masunod nga tuig pa maabot ang budget para sa PNP entrance examination.
Kaupod sa nagbulig sa pagseguro sang kaluwasan sang mga examinees amo ang mga katapo sang Philippine National Police lakip na ang EOD team nga nag-conduct sang paneling, kasubong man ang Bureau of Fire Protection (BFP), sa pagpasiguro sang safety sa venue.
Pahayag ni Florentino, ang examination nga ginpatiyaon amo ang PNP Entrance Examination, Promotional Examination, kag Police Executive Service Eligibility para sa ranggo sang Police Colonel.
Dugang pa, lauman nga magadangat sa kapin 1,160 ka mga examinees ang makagakuha sang exam.
Paathag niya nga paagi sini, masiguro nga ang makasulod kag ang yara na sa PNP amo ang may integridad kag handa nga magserbisyo sa pumuluyo.
