Ginpahayag sang Philippine National Police nga preparado ini sa paghatag sang assistance sa International Criminal Police Organization (Interpol) kun magapagwa ang mga ini sang iban pa nga warrants of arrest batok sa mga “co-perpetrators” ni former President Rodrigo Duterte natuhoy sa makamamatay sini nga war on drugs.
Apang suno kay PNP spokesperson Police Brigadier General Jean Fajardo, wala pa sang impormasyon nga nahatag sa ila natuhoy sa nasambit nga butang apang nagpasalig ini nga ang PNP ang may yara sang isa ka “template” sa pagserbi sang posible nga arrest warrants sa iban pa nga mga indibidwal nga naangot sa drug war.
Suno diri, indi nila luyag nga i-preempt ang proseso apang nakahibalo sila nga may iban pa nga may kaso man magluwas sa anay Presidente.
Bangud nga una na ini nga naaresto, may yara na sila sang isa ka template para sa kun ano ang himuon sa iban kag preparado nga maghatag kag mag-implementar sang warrant santo sa layi.
