Natalana nga magdeploy ang Philippine National Police (PNP) sang kabug-usan nga 70,000 ka mga kapulisan sa pagsugod sang Simbang Gabi buwas nga adlaw Disyembre 16 tubtob Disyembre 24.
Ang mga kapulisan magatutok sa mga simbahan kag sa mga lugar nga madamo ang tawo agud masiguro ang seguridad kag kaluwasan sang publiko.
Suno kay Acting PNP Chief PLtGen. Jose Melencio Nartatez Jr., ila man pabaskugon ang pag-patrolya, pagpatigayon sang checkpoints, kag mobile units sa palibot sang mga simbahan.
Ginpabakod man sang PNP ang koordinasyon sa Local Government Units (LGU), opisyal sang barangay, kag simbahan para sa crowd management kag madasig nga pagresponde sa tion sang emerhensya.
Ginapasiguro man sang PNP sa publiko nga handa sila maghatag sang seguridad para sa maayo kag meaningful nga selebrasyon sang Paskwa.
